11 اسباب العواصف الترابيه في العراق

طرحت العواصف الترابية التي باتت تضرب العراق كل اسبوع مرتين بعد ان كانت
لاتاتيالا مرة بالسنة مجموعة من التساؤلات والاستفسارات… قام مجموعه منالمسعووولينمشكووورينبالاجابهعنها بالرغم من وقتهم الضيق جدا جدا وكما يلي

يقول مسؤول من وزارة الهجرة

ان سبب العجّه هو ان العراقيين ديرجعون (ركض) الى العراق من الدول المجاورة بعد ان تحسن الوضع الامني

وقال مسؤول من وزارة الاعمار

ان سبب العجه هو حمله الاعمار الفضيعه التي يمر بها العراق.واذا اتكولون وين اكو اعمار

فاكيد انتو مدا اتشووفون ناطحات السحاب بسبب هاي العجه المقرفه
وقال مسؤول من وزاره الثقافه
ان سبب العجه هو ازدهار الفنون الشعبيه في العراق .وخاصه رقصه الجوبي..التي سببت هذه العجه.
وقال مسؤول من وزاره الرياضه
ان سبب العجه هو تمرينات المنتخب على ضربات الدبل كيك...استعدادا لبيع المباريات القادمه للمنتخب.
وقال مسؤول من وزاره الدفاع
ان سبب العجه هو تجارب الاسلحة النووية الجديدة التي اخترعتها وزارته المبجله..والتي تسبب (بوخه) فقط
مع احتماليه حصول كحه مزمنة للي بيهم ربو
وقال مسؤول في وزاره الكهرباء
ماعرف سبب العجه بس المهم الكهرباء مراح تجيكم هل تلث سنين الجاية بسبب هل العجه الملعونه..يعني احنا معلينه مو تحجون بعدين
وقال مسؤول من وزاره السياحه
ان سبب العجه هو التنظيف المتواصل (لزوالي) فندق الرشيد
وقال مسؤول من وزارة الصحة
نطلب من العراقيين عدم التنفس هذه الايام
وصرح مسؤول من وزارة الخارجية
ياعجه يمعودين، ليش اكو عجه بالعراق آني صار لي اتلث سنين إيفادات وعايش بره ..وماكو كل عجة يمنه.
وصرح مسؤول من وزارة الداخلية
عثرنا على مخبأ يحتوي على ميتين كرك وثمن ماسحات وعربانتين تك تاير. وكلاب لوري وهذا يثبت ان هذه العجه محاوله يائسه من دول الجوار الاقليمي لدفن العراق
وقال احد اعضاء مجلس النوّاب
ان سبب العجه النكت القديمه التي يلقيها الاعضاء اثناء الاجتماع
وصرح مسؤول اخر
(فضل عدم ذكر الجهه التي ينتمي اليها)
بابا هازا التراب يوزح ان مدينة كركوك زات اغلبيه كورديه..
وصرح مسؤول من وزاره البلديات
ادري ياعيني....اكيد اتصير عجه...اذا مُنظفينا (ديكنسون) ابكل مكان.
وصرح مسؤول من البحث العلمي
ان سبب العجه هو الضغط الهوائي الذي سببه اطلاق مكوك فضائي عراقي .لااستكشاف امكانيه وجود حياه في منطقه طويريج
وصرح مصدر مسؤول في مديرية المرور العامة
ان سبب العجه.....هو سباقات سيارات الرالي المثيره التي تشهدها شوارع بغداد